Rudra QuotationClient policy
1. Service
Rudra Quotation ek business app hai. Client isme apna quotation, invoice, rate, customer aur kharcha apne login mein save karta hai. Ek login sirf usi client ka data dikhata hai.
2. Free trial
App try karne ke liye 15 din free hai. Trial mein client account bana kar app khol sakta hai aur 5 documents tak bana kar dekh sakta hai. Trial mein poori service nahi milti. Saare sector, unlimited save, unlimited PDF aur WhatsApp paid plan mein hain.
3. Paid plan
Poori service 1 saal ke liye hai, 1 client account par. Keemat wahi hogi jo app mein dikhegi. Payment ke baad milta hai:
- Unlimited quotation aur invoice, apne hisaab se save
- Saare sector, PDF aur WhatsApp
- App mein diye gaye options se apna naam, rate, item aur document look set karna
Invoice par GST alag dikhega, GSTIN 09ABLFR8003J1ZU ke hisaab se.
4. Keemat 3 mahine baad badhegi
Shuru ki keemat sirf pehle 3 mahine ke liye hai. Uske baad naye client ke liye daam badh jayega. Jo in 3 mahine mein plan le chuka hai, uska woh pura saal usi daam par chalta rahega. Beech mein usse extra nahi maanga jayega. Agle saal ki renewal tab ki keemat par hogi. Saal khatam hone se pehle app ya email par bata denge.
5. Client kya badal sakta hai
Client sirf wahi badal sakta hai jo app ke options mein diya hai: business naam, logo, rate, item, sector aur document ki di hui look. App ka code, layout aur doosre client ka data uske paas nahi hai. App bechna ya doosri company ke naam se chalana is plan mein shamil nahi hai.
6. Renewal
Saal payment ki tareekh se shuru hota hai. Saal khatam hote hi poori service rukti hai. Data uske baad 30 din tak account mein rehta hai. Renew na hone par 30 din baad data hata diya ja sakta hai. Trial ka data paid plan mein usi login ke saath jud jata hai.
7. Refund
Pehle 15 din ki free trial hai, isliye payment ke baad fee wapas nahi hoti. Agar company ki galti se app us saal chalti hi nahi aur 7 din mein theek nahi hoti, to us payment ki refund milegi.
8. Data
Client ke quotations, invoices, rates aur customer details usi client ki hain. Rudra Association unhe sirf app chalane, backup aur support ke liye rakhta hai. Bina wajah doosre client ko nahi dikhaya jata. Login ka password client ki zimmedari hai.
9. Band aur galat istemal
Galat bill, doosre ka data nikalna, app copy karke bechna, ya server pe load daalkar rokna — aisa hone par account band ho sakta hai. Us case mein fee wapas nahi hoti.
10. Limit
App quotation aur hisaab rakhne ka tool hai. Final bill, GST return aur legal document ki zimmedari client ki hai. Server ya phone ki rukavat se data der se save ho to company us nuksan ki poori bharpai nahi karti. Backup client ko bhi rakhna chahiye.
11. Policy badalna
Niyam badalne se pehle app ya email par bata denge. Chal raha saal apni purani keemat par pura hota hai.